ماكنتش اعرف /بقلم ماجدة الرخ

ماكنتش اعرف ان الغالى عندك ما يساويش
ولا كنت اصدق انك يوم تبيع بالرخيص
انا بردو هي اللى كنت بتتحايل عليها
يوم تحن.....
متغيرتش حاجه فيا
لسه الملامح هي هي
ولا اى حاجه اتغيرت فيا
فاكر لما كنت بتنادى عليا
وكنت تفرح لما بتقابل عنيا
وكنت تكتب اسمى على صوره
فيها ورده  وقلب وعصفوره
قول لى كان ده حب؟
ولا كان ده اسمه ايه؟
والكلام اللى انت قلته
وسمعه قلبى كان ده إيه؟
 كان محبه واشتياق؟
ولا كان هجر ووداع؟
ولا كنت داخل سباق
وسبت جرح اسمه الفراق
كنت  عايز  يتعلق  قلبى   بيك؟
اهو قلبى يا حبيبى مش ناسيك
ولا عارف حتى يوم يقسى عليك
اصل قلبى كان ديما يحس بيك
يحس لما تزعل ويجرى يراضيك
                             ماجده الرخ