مدرستي /بقلم محمد عليش

.. من القصص الشعرى  ..

.. بالعامية المصريـــــــة ..

.. للطلائع والفتيـــــــــان ..

.................. ( مدرستـــــي .. )

كل يوم أصحى الصُبحيـــــــــــــة ..

أتوضا وأصلي اللي عليــــــــــــــا ..

وأسأل ربي يطهر قلبــــــــــــــــي ..

يشرح صدرى ويرفع ذكــــــــــري .

وأسأل أمى وأبويا رضاهـــــــــــم ..

وأنحنى ليهم وأبوس إيدهـــــــــــم ..

وأطلب منهم صفو دعاهــــــــــــم ..

لجل فِ يوم أقـدر أسعدهـــــــــــم . 

على مدرستى فِ سكتى أجـــري ..

وأركبلها لو بعدت عنــــــــــــــى ..

شايل شنطة كتبي وسهــــــــرى ..

قدرة ربي شايلاها عنــــــــــــــى ..

شيلتى تقيلة علي ضهرى المحنى ..

وأنا فرحان بالشيلة .. بغنـــــــــى ..

على كتباتى وعلى كراريســـــــى ..

وعلى دروسى المولي يعينــــــي ..

الى محراب العلم نطيــــــــــــــر ..

لُه بوابة كبيرة وســـــــــــــــــور ..

تلاميذ جوه السور طوابيــــــــــر ..

أساتيذ حاضرة معاها مديـــــــــر ..

قائد الطلبة ينادى صفـــــــــــــــا ..

كل الطلبة تقفف فِ صفــــــوف ..

رائد الفصل يلبي يقــــــــــــــول ..

كلمة جميلة ليها مضمــــــــــون ..

نحيي وطنا ونهتف ليـــــــــــــه ..

ونرفع رايته فوق ساريــــــــــة ..

وكل طابور على فصلو يسيـــر ..

ويدخل واحد واحد فيـــــــــــــه ..

ندخل فصلنا نقرا ونكتـــــــــب ..

ونرتل قرآن ونشيــــــــــــــــد ..

نجمع نطرح نغلط نمســـــــح ..

نرسم رسمة ونطلع فسحـــــة ..

  ويصحح كراريسنا بذمــــــــة ..

استاذ تربوى أسوة وقــــــدوة ..

بيغرس فينا معانى نبيلـــــــة ..

يجبر للمكسور ويجــــــــــود ..

ومُدرسة بتربي بهمـــــــــــة ..

أشبال لجل م تبقــي أســـــود ..

تحمي تراثنا وتحي ماضينــا ..

وعـن الدين والدنيا تفيـــــــــد .

...................................

كلمات / محمد عليش متولى .

تم إخراج هذا النص فيديو كليب بصوت المطرب الواعد /

عبدالوهاب محمد عليش من ألبومه ( حياتى معاك ) .

https://web.facebook.com/100004991562049/videos/vb.100004991562049/882367998606244/?type=2&video_source=user_video_tab

         من ألبوم (  حياتى معاك )  Abdul Wahab Mohamed Elish

لمشاهدة الفيديو تكرم بالضغط عالرابط .